Isinagawa sa pangunguna ng Kagawaran ng Pagsasaka para sa Gitnang Luzon sa ilalim ng Livestock Banner Program (DA-Livestock) ang kanilang 2nd Quarter Provincial Veterinarian, Provincial Artificial Insemination (AI) Coordinator at Provincial Livestock Coordinator Meeting sa Venzia Hotel, Subic, Zambales nitong ika-17 hanggang 18 ng Hunyo, 2026.

Layunin ng nasabing pagpupulong na talakayin ang mga pinakabagong impormasyon at updates kaugnay ng Republic Act No. 12308 o ang Animal Industry Development and Competitiveness Act (AIDCA), gayundin ang kasalukuyang kalagayan ng African Swine Fever (ASF) at Avian Influenza Virus sa rehiyon ng Gitnang Luzon.

Dagdag pa rito, nagsilbi rin itong pagkakataon upang suriin at talakayin ang iba’t ibang mga programa na ipinapatupad mula sa National Livestock Program (NLP), Bureau of Animal Industry (BAI), Philippine Carabao Center (PCC), National Dairy Authority (NDA), at National Meat Inspection Service (NMIS) na makatutulong sa higit pang pagpapalakas ng biosecurity measures at pagpapataas ng produksyon para sa sektor ng paghahayupan sa Gitnang Luzon.

Kabilang sa mga dumalo sa nasabing assessment sina DA Regional Executive Director Dr. Eduardo L. Lapuz Jr., DA Livestock Focal Person Gil G. David, Philippine Carabao Center–Central Luzon State University (PCC-CLSU) Center Director Dr. Erickson Dela Cruz, National Meat Inspection Service (NMIS) OIC–Regional Technical Operation Center III Dr. Armie Mariel M. Sebello, National Dairy Authority (NDA)Project Evaluation Officer Andrea Rosal, Bureau of Animal Industry (BAI-NVSQ) Veterinary Quarantine Officer Dr. Francis Guiao Dimalanta, gayundin ang mga Provincial Veterinarian mula sa iba’t ibang lalawigan ng Gitnang Luzon.