Pinarangalan ng Kagawaran ng Pagsasaka (DA) ang mga natatanging mga Rice Clusters ng Pilipinas na pinangunahan ng DA Gitnang Luzon at National Irrigation Administration (NIA) Region lll sa Quest Plus Conference Center, Clark Freeport, Pampaga nitong ika-18 ng Setyembre.

Ang parangal ay naglalayong kilalanin ang mga natatanging rice clusters na nagpakita ng kahusayan, inobasyon, at tuluy-tuloy na ambag sa paglago ng sektor ng bigas sa Pilipinas.

Dumalo sa pagpaparangal sina Undersecretary for Rice Industry Development Engr. Christopher V. Morales; Administrator ng National Irrigation Administration Engr. Eduardo “Eddie” G. Guillen; Director for National Technical Committee for Rice Category Emerson S. Yago; at mga Regional Executive Directors at Regional Technical Directors ng DA at NIA.

Sa mensahe ni Usec. Morales, binanggit nito na hindi lang simpleng parangal kundi pagbibigay pugay ito para sa mga bayaning magsasaka. Susi din umano sa tagumpay ng sektor ang clustering dahil makapagdudulot ito ng mas mataas na produksiyon, magandang ani at kita na mauuwi sa mas matatag na merkado at madaling pag-access ng tulong sa pamahalaan.

Binubuo ng tatlong kategorya ang pagpaparangal, ito ang National Irrigation System category; Communal Irrigation System; at Small Water Irrigation System Associations.

Mga nanalo sa kategoryang National Irrigation System (NIS):

• Flovenbar Irrigators’ Association, Inc. (Llanera, Nueva Ecija, Region III)

• Ginintuang Butil ng Sta. Teresa Irrigators Association, Inc. (Parada, Lucena City, Region IV-A )

• Dipolog – Polanco Irrigators’ Association Inc. (Dipolog City, Zamboanga del Norte, Region IX)

• Upper Sinayawan Farmer Irrigators Association (UPSFIA), Inc. (Barangay Sinayawan, Hagonoy, Davao del Sur, Region XI)

• M’laris Div. A. (BIMADUA) Irrigators’ Association Inc. (M’lang, Cotabato, Region XII)

Mga nanalo sa kategoryang Communal Irrigation System (CIS):

• Simimbaan Communal Irrigators Association, Inc. (Cuyapo, Nueva Ecija, Region III)

• San Agustin – San Ramon Agrarian Reform Farmers’ Cooperative (Bula, Camarines Sur, Region V)

• Badagoy Irrigation Association, Inc. (Magsaysay, Davao del Sur, Region XI)

• Midpapan-Balogo Communal Irrigators Association, Inc. (Pigcawayan, Cotabato, Region XII)

Mga nanalo sa kategoryang Small Water Irrigation System Associations (SWISA):

• Association of United Farmers and Irrigators of Duplas (San Juan, La Union, Region I)

• Cabuluan Farmers Multi-Purpose Cooperative (Alcala, Cagayan, Region II)

• Baan Integrated Farmers Association, Inc. (Baan, Butuan City, Region XIII)

Nakatanggap ng Plake ng Pagkilala ang bawat nanalo at premyong tatlong milyon sa bawat nanalo sa kategoryang NIS at CIS, samantalang 1.5M naman para sa SWISA category.

#BagongPilipinas
#DAsaGitnangLuzonKatuwangsaPagsulong